Á föstudag samþykkti Alþingi breytingar á tollalögum.  Með þeim er allt landið gert að einu tollumdæmi.  Mun tollstjórinn í Reykjvík fara með yfirstjórn þess í umboði fjármálaráðherra.  Mun tollstjóri taka við réttindum og skyldum tollvarða er starfað hafa í umdæmum landsins.

Hér má sjá frumvarpið á vef Alþingis. 

Í gær var lagt fram frumvarp til breytinga á tollalögum.  Þar er lagt til að landið verði gert að einu tollaumdæomi.  Mun embætti tollstjórans í Reykjavík verða embætti tollstjóra.  Mun hið nýja embætti annast tollframkvæmd í landinu.  Tekur embættið við réttindum og skyldum gagnvart tollvörðum sem starfa í Vestfjarðaumdæmi, Norðurlandsumdæmi, Austurlandsumdæmi nyrðra, Austurlandsumdæmi syðra, Suðurlandsumdæmi, Vestmannaeyjaumdæmi og Reykjanesumdæmi.

Hér er slóð inn á heimasíðu Alþingis. 

Í síðustu viku lauk tveggja missera námi Tollskólans, bar það heitið ,,Betri stjórnendur - Stjórnendaþjálfun fyrir Tollstjóraembættið.  Annaðist Endurmenntun Háskóla Íslands námið.  Hófst það í janúar s.l.  Skiptist námið í níu flokka s.s. vinnusálfræði, mannauðsstjórnun, breytingastjórnun, samningatækni og lausn ágreinings, verkefnastjórnun, þjónustustjórnun, vinnuréttur og stjórnun og starf í teymum.

Þáttakendur voru rúmlega tuttugu talsins og komu þeir frá fimm tollembættum.  Nám þetta er nýjung af hálfu Tollskólans.  Mæltist námið vel fyrir meðal þáttakenda. Nemendum var veitt viðurkenning í námsslok úr hendi Kristínar Jónsdóttur endurmenntunarstjóra Háskóla Íslands.

Nýr kjarasamningur TFÍ og fjármálaráðherra f.h. ríkissjóðs  frá 4. nóv. s.l.  hefur verið samþykktur í atkvæðagreiðslu meðal félagsmanna.  Alls kusu 80 sem gerir 72% þáttöku.  Af þeim sem tóku afstöðu voru 73 samþykkir, 3 á móti og 4 atkvæði ógild.

Hefur Samninganefnd ríkisins verið tilkynnt um þessa niðurstöðu.