Stjórn TFÍ hefur fengið Jónas Hall f.v. yfirtollvörð til að annast samantekt sögubrota fyrir TFÍ.  Félagið hefur í fórum sínum mikinn fróðleik um framgang félagsins allt frá stofnun þess 1935. 

Væntir TFÍ mikils af störfum Jónasar, en hann starfaði mikið fyrir félagið.  Hafði hann frumkvæði um að ráðist væri í ýmis verkefni sem voru stétt tollvarða til framdráttar.

Dráttur hefur orðið á úthlutun einkennisfatnaðar tollvarða.  Nefnd sem er starfandi hefur það verkefni að kanna hagkvæmari og notkunarvænni fatnað.  Auk fulltrúa tollstjóra hefur TFÍ sína fulltrúa í henni.  

Er ekki að vænta breytinga á einkennisfatnaði fyrr en á komandi vormánuðum.  Ef niðurstaðan verður í samræmi við væntingar má gera ráð fyrir að betri fatnaður standi tollvörðum til boða á nýju ári.

Í dag verður haldinn fundur með samninganefndum TFÍ og samninganefndar ríkisins.  Lítið er hægt að segja um mögulega niðurstöðu á fundinum, en vonandi þokast málið nær úrlausn.

Þann 21. September s.l. var fundur UFE haldinn í Brussel. Aðildarfélög UFE eru tollvarðafélög allflestra evrópulandanna.