Eins og fram hefur komið var kjaradeilu TFÍ vísað í Gerðardóm á samningafundi með Ríkissáttasemjara þann 23. júní.

Fyrsti fundur Gerðardóms verður haldinn í húsnæði Ríkissáttasemjara á morgun 11. ágúst.

Fulltrúar TFÍ í Gerðardómi eru Ársæll Ársælsson aðalmaður og Ólafur Ingibersson til vara.  

Formaður dómsins hefur verið skipaður Magnús Jónsson fyrrverandi veðurstofustjóri og Geir Thorsteinsson til vara.

Fyrir hönd ríkisins hefur Katrín Ólafsdóttir verið skipuð og til vara Guðmundur H. Guðmundsson.

Úrskurði dómsins er að vænta eigi síðar en 31. ágúst.

Með kveðju

Stjórn TFÍ

Í dag var enn haldinn fundur með samninganefnd TFÍ og fjármálaráðuneytisins.  Var þetta fimmti fundur sem haldinn er eftir að kjaradeilunni var vísað til ríkissáttasemjara.  Þrátt fyrir miklar umræður þokaðist deilan ekki í átt til lausnar.

Hefur deilunni nú verið vísað til gerðardóms í samræmi við samkomulag TFí og fjármálaráðherra f.h. ríkissjóðs frá 5. júní 2002.  Þar er tilteknar starfsreglur fyrir gerðardóminn, en hann skipa þrír aðilar einn frá TFí, annar frá fjármálaráðuneyit og þriðji er skipaður af ríkissáttasemjara.  Skal dómurinn kveða um úrskurð innan 30 daga eftir að hann hefur verið skipaður.

Á Miðvikudaginn 19.05.2010 fundaði samninganefnd Tollvarðafélags Íslands með samninganefnd Ríkisins í áheyrn ríkissáttasemjara.

Kjaradeilunni var vísað til sáttasemjara að hálfu TFÍ vegna lítils árangurs í kjaraviðræðum.

Samninganefnd TFÍ lagði fram sínar kröfur í kjaramálum og fást vonandi svör við þeim á næsta fundi.

Næsti fundur verður haldinn mánudaginn 31.05.2010.

Ákveðið hefur verið að hálfu samninganefndar TFÍ að vísa kjaradeilu félagsins til Ríkissáttasemjara.

Á undanförnum mánuðum hefur ekki verið að finna mikinn samningsvilja að hálfu SNR og því hefur deilan staðið í stað.

Með kveðju

Stjórn TFÍ