Aðalfundur Tollvarðafélags Íslands Verður haldinn
föstudaginn 24.02.2012 í húsakynnum BSRB að Grettisgötu 89, jarðhæð.

Fundurinn mun hefjast kl. 18:00

Efni fundarins verða venjuleg aðalfundarstörf.

Boðið verður upp á sætaferðir frá Keflavík.

Stjórn TFÍ vonar að sjá sem flesta félagsmenn á fundinum.

Námskeiðið verður haldið dagana 31. janúar og 2. febrúar 2012.

Námskeiðið verður frá kl. 16.30 til kl. 19.00 og er haldið í húsnæði BSRB Grettisgötu 89, 1. hæð.

Námskeiðið er frítt og er einkum ætlað þeim sem eru að nálgast starfslok eða eru nýlega hættir störfum og er opið öllum félagmönnum aðildarfélaga innan BSRB og mökum þeirra.

Skráning hefst 5. janúar 2012 á vef BSRB www.bsrb.is og í síma 525 8306.

Dagskrá:

Þriðjudagur 31. janúar
16.30: Ásta Arnardóttir frá Tryggingastofnun fjallar um almannatryggingakerfið
17.15: Kynning á sjálfboðaliðastarfi Rauða krossins
17.30: Kaffi.
17.45: Jóhann Ingi Gunnarsson sálfræðingur – Ár fullþroskans

Fimmtudagur 2. febrúar
16.30: Ágústa H. Gísladóttir og Páll Ólafsson frá Lífeyrissjóði starfsmanna ríkisins og Þórdís Yngvadóttir frá Lífeyrissjóði starfsmanna sveitarfélaga fjalla um lífeyrismálin
17.30: Kaffi
17.45: Edda Björgvinsdóttir leikkona - Jákvæðni, húmor og hlýlegt viðmót

Frá kjörstjórn TFÍ.

Kjörstjórn minnir tollverði á eftirfarandi greinar úr lögum Tollvarðafélags Íslands:

15. grein:
“Á því ári er hefur jafna tölu í ártali skal kjósa tvo stjórnarmenn og einn varastjórnarmann, þá skal einnig kjósa skoðunarmenn reikninga félagsins.”

17. grein:
“Það starfsárið, sem kosning skal fara fram, ber kjörstjórn að vekja athygli félagsmanna á væntanlegri kosningu, framboðsfresti og öðru, sem máli skiptir varðandi kosninguna, eigi síðar en 15. desember.”

20. grein:
“Fráfarandi formaður og aðrir stjórnarmenn eru alltaf í kjöri, nema þeir biðjist skriflega undan því til kjörstjórnar. Ákveði fráfarandi formaður eða aðrir stjórnarmenn að gefa ekki kost á sér til endurkjörs, skulu þeir tilkynna það til kjörstjórnar fyrir 15. janúar. Kjörstjórn getur þó fallist á afsögn komi hún fram síðar, ef sérstakar ástæður liggja til, þó ekki síðar en 31. janúar. Skal þá kjörstjórn ávallt auglýsa eftir uppástungum um menn í stjórn og varastjórn, svo og í stöður annarra trúnaðarmanna er kjósa skal. Frestur til að skila uppástungum til kjörstjórnar skal vera til 31. janúar. Komi ekki fram uppástungur um fleiri menn en kjósa á eru þeir sjálfkjörnir. Uppástungur skulu vera skriflegar og með samþykki viðkomandi. ”

Reykjavík 07.12. 2011
F.h. kjörstjórnar,
Ármann Kjartansson